Zbardhen aferën e bastit trajneri dhe lojtar i njohur kapen në flagrancë

Një skandal ka tronditur NBA-në, pasi janë arrestuar një trajner dhe një lojtar i njohur për përfshirje në një rast të paligjshëm bastesh sportive, raportoi CBS News, partneri amerikan i BBC-së.

Prokurorët në Nju Jork, së bashku me Drejtorin e Byrosë Federale të Hetimeve (FBI), Kash Patel, pritet të mbajnë një konferencë për shtyp në orën 10:00 të mëngjesit me orën lokale (15:00 BST) për të dhënë më shumë detaje mbi arrestimet.

Sipas burimeve, trajneri i Portland Trail Blazers, Chauncey Billups, dhe lojtari i Miami Heat, Terry Rozier, u arrestuan pas ndeshjeve të së mërkurës.

Hetimet federale nisën pasi u zbulua një aktivitet i dyshimtë bastesh lidhur me një ndeshje të marsit 2023, ku Rozier, në atë kohë lojtar i Charlotte Hornets, pati një performancë të pazakontë.

Në atë takim kundër New Orleans Pelicans, Rozier luajti vetëm nëntë minuta dhe shënoi pesë pikë, ndërsa më parë kishte një mesatare prej 35 minutash dhe 21 pikësh për ndeshje.

Ai u justifikua duke thënë se kishte dhimbje në këmbën e djathtë.

Autoritetet po shqyrtojnë mundësinë që lojtari të ketë manipuluar qëllimisht ndeshjen për të përfituar nga skema e paligjshme e bastit.

"KORÇA BOOM"