ZBULOHEN ÇARJE GJIGANTE NË TOKË! Shkencëtarët: Nis nga Turqia, mund të sjellë tërmete

Shkencëtarët kanë zbuluar me saktësi një çarje gjigante nën Tokë, që po zhvillohet mes pllakës Arabo-Afrikane dhe asaj Euro-Aziatike. Studiuesit konfirmojnë se kjo çarje është e lidhur me zhdukjen e një oqeani të lashtë – Oqeani Neotetis – që ndante dikur super-kontinentet Gondwana dhe Laurasia.

Një zbulim tronditës vjen nga bota e shkencës!

Shkencëtarët kanë identifikuar me saktësi një çarje të re, të madhe, që po zhvillohet nën sipërfaqen e Tokës, mes pllakës arabo-afrikane dhe asaj euroaziatike.

Nën drejtimin e gjeologut Renas Koshnaw nga Universiteti i Miamit, studiuesit kanë arritur të konfirmojnë se kjo çarje është e lidhur me zhdukjen e një oqeani të lashtë,  Oqeani Neotetis që dikur ndante super-kontinentet Gondwana dhe Laurasia.

 “Kjo është si një plagë e vjetër që po hapet sërish,” thotë studiuesi. Pllaka oqeanike po shembet në mantelin e Tokës, duke krijuar tensione të mëdha anësore.

Zona e dëmtimit nis në juglindje të Turqisë dhe shtrihet drejt Irakut Verior dhe vargmalit Zagros. Sipas ekspertëve, këto zhvillime mund të rrisin ndjeshëm frekuencën dhe fuqinë e tërmeteve në këtë rajon.

“Në shekujt që vijnë, mund të përjetojmë tërmete më të forta në këtë zonë,” – paralajmërojnë shkencëtarët që kanë realizuar studimi.

Dhe kjo nuk është e gjitha – nëse çarja vazhdon të zgjerohet, mund të lindë një mikropllakë e re mes Arabisë dhe Azisë së Vogël, duke ndryshuar përfundimisht hartën tektonike të Tokës.

Një zhvillim që tregon fuqinë e natyrës dhe rëndësinë e shkencës për të kuptuar të ardhmen e planetit tonë.

“KORÇA BOOM”