Zhvillohet në bashkinë Korçë takim i frytshëm me Komitetin për Zhvillimin Turistik!

Një hap i rëndësishëm drejt një Korçe turistike më të fortë dhe të qëndrueshme!

U zhvillua sot në bashki një takim i frytshëm me Komitetin për Zhvillimin Turistik, përfaqësues të bizneseve dhe aktorë të tjerë lokalë, ku në qendër ishte analiza e potencialeve të turizmit dhe forcimi i rolit të tij në ekonominë e qytetit tonë.

Ky takim u ndërtua si një proces bashkëpunues dhe gjithëpërfshirës, me qëllim:

-Të prezantojmë ecurinë e deritanishme të zhvillimit turistik në Korçë.

-Të zhvillojmë një diskutim të hapur mbi sfidat dhe mundësitë e sektorit.

-Të analizojmë në thellësi drejtimet strategjike përmes metodologjisë SWOT.

-Të hartojmë një plan konkret veprimi për një turizëm të qëndrueshëm.

-Një angazhim i përbashkët për të çuar përpara zhvillimin ekonomik të Korçës, nëpërmjet një turizmi cilësor, gjithëvjetor dhe të bazuar në identitetin tonë unik kulturor, natyror dhe historik.

Bashkia Korçë do të vazhdojë të jetë krah komunitetit dhe sektorit privat, në çdo hap të këtij procesi.

“KORÇA BOOM”