ZYRTARE/ Emiljano Çela dhe Bekim Kuli, dyshja që do të drejtojë Pogradecin, bëhet prezantimi

Ashtu siç ishte paralajmëruar prej disa ditësh, klubi i Pogradecit ka prezantuar sot zyrtarisht trajnerin e ri të skuadrës. Emiljano Çela është emri që do të marrë drejtimin e ekipit, ndërsa në krah të tij do të jetë Bekim Kuli, duke formuar një dyshe teknike të besuar nga presidenca liqenore.

Zgjedhja e tyre vjen pas dorëheqjes së Ardi Memës dhe pas një faze intensive bisedimesh. Çela është një emër i njohur në futbollin shqiptar, i cili vjen me ambicie dhe objektiva të qartë për të rikthyer Pogradecin në rrugën e rezultateve pozitive. Në këtë mision, ai do të ketë mbështetjen e Bekim Kulit, një tjetër figurë me përvojë në futbollin vendas.

Presidenca e klubit ka shprehur besimin e plotë ndaj kësaj dysheje, duke i konsideruar ata si zgjedhjen më të mirë për të udhëhequr skuadrën në këtë fazë të rëndësishme të sezonit.

“KORÇA BOOM”