Çela pas humbjes: Duhej të ishim më të durueshëm në daljen e topit

Pas ndeshjes foli trajneri i Pogradecit, Emiljano Çela:

"E mira do të ishte që pjesa e parë të mbaronte 0-0. Jo se e meritonim ne – nuk e meritonim – por gjithsesi do të ishte një sinjal i mirë për mua si trajner, po të mbyllja pjesën e parë pa gol, për të rregulluar diçka në pjesën e dytë. Në pjesën e parë gjithçka shkoi keq; ajo që shkoi keq ishte në parime.

Kishim mungesë agresiviteti dhe kontaktesh me kundërshtarin. Kishim mungesë besimi dhe cilësish për të shfrytëzuar superioritetin tonë. Lojtarët duhet të kishin më shumë besim. Analizuam Burrelin me video, dhe urojmë kundërshtarin. Me mënyrën e vet, Burreli fitoi ndeshjen."

Përsa i përket daljes së topit, Çela tha:

“Pse nuk funksionuan rrugët e daljes së topit? Nuk mendoj se ka lidhje me terrenin, ishte më shumë çështje durimi. Duhej të kishim bërë më shumë ndërrime krahu, sepse stacionet i kishim, qoftë nga portieri, qoftë me Danladin. Qëllimi ishte të nxirrnim me fytyrë ose të krijonim uniformitete të ndryshme, që sot nuk u arritën sepse nuk i dhamë kohë – u nxituam shumë në pasim. Duhet të ishim më të qetë dhe më të durueshëm për të bërë më shumë ndërrime krahu.

Problemi nuk ishte tranzicioni, sepse dalja nga loja erdhi pas pësimit të golit të dytë. Në fusha si Burreli apo në Kategorinë e Parë, me një gol ndeshja mund të jetë e mbyllur; maksimumi mund të kërkosh barazimin. Historikisht, me topa apo pa topa, situata është e njëjtë. Rezultati 0-0 është shumë i rëndësishëm, sidomos në ndeshjet jashtë, sepse nuk ka më lojë efektive.

Dalja nga loja erdhi pas një faulli rreth 60 metra larg. Ishte një situatë që e kishim punuar gjatë gjithë javës dhe ndodhi. Nuk dua të theksoj mungesën e vëmendjes së lojtarëve te ajo që kemi punuar, por më shumë çështjen e egos dhe besimit. Ne kemi luajtur futboll me iniciativë; kur unë komandoja ‘Linja e mbrojtjes do të rrijë këtu me mua’, aty linja rrinte. Është çështje besimi. Mund të punosh gjithë ditën, por…”

"KORCA BOOM"