22-vjeçari humb jetën duke bërë selfie në shkëmbinj

Futbollisti francez Aleksis Vergos ka ndërruar jetë në moshën 22-vjeçare pasi rrëshqiti nga shkëmbinj të lagur ndërsa bënte selfie me të dashurën e tij në një vend turistik në Tajlandë.

Sipas policisë së Koh Samui, autopsia e konfirmoi shkakun e vdekjes si traumë në kokë. Vendi i aksidentit, një nga atraksionet më të vizituara turistike në Tajlandën jugore, ka qenë skenë e tragjedive të ngjashme në të kaluarën.

Klubi ku luante, Quimper Ergué Armel FC, shprehu ngushëllimet e tij në rrjetet sociale:“Me hidhërim të madh njoftojmë vdekjen e Aleksis Vergos, djalit të Tierrit, trajnerit të ekipit C dhe vullnetarit të klubit. Aleksis filloi të luante futboll me ne në moshën 6 vjeç dhe luajti në ekipin e të rriturve deri dy sezone më parë. Klubi bashkohet me familjen dhe miqtë e tij në zi.”

Ngjarja ka tronditur komunitetin lokal dhe dashamirësit e futbollit, duke rikthyer vëmendjen tek rreziqet e vendosjes së vetes në situata të pasigurta gjatë vizitave turistike.

"KORCA BOOM"