4 viktima dhe dhjetëra të plagosur në një akt dhune në SHBA

Në orët e para të mëngjesit të së dielës, një ngjarje tragjike tronditi ishullin St Helena në Qarkun Beaufort, Karolina e Jugut, SHBA. Një person hapi zjarr në një bar të frekuentuar, duke shkaktuar panik dhe terror mes njerëzve që ndodheshin aty.

Sipas Zyrës së Sherifit të Qarkut Beaufort, katër persona humbën jetën në vendngjarje, ndërsa të paktën 20 të tjerë u plagosën, katër prej të cilëve në gjendje të rëndë. Shumë prej të pranishmëve u përpoqën të shpëtojnë duke u fshehur në dyqanet dhe ndërtesat pranë, në kërkim të strehimit nga të shtënat.

Ende nuk janë zbuluar rrethanat e plota të ngjarjes, ndërsa hetimet vazhdojnë intensivisht për të identifikuar autorin ose autorët e dyshuar. Zyra e Sherifit njofton se detektivët po punojnë pa ndërprerje për zbardhjen e këtij krimi.

“KORÇA BOOM”