5 vite në pension, por ende në urgjencë – historia që frymëzon

Djali i urtë nga fshati Lini, Dr. Qamil Avdullai, është një nga emrat që meriton mirënjohjen e përjetshme të Pogradecit.

Pasi përfundoi me sukses studimet në Fakultetin e Mjekësisë, ai, së bashku me bashkëshorten e tij, Dr. Sekinea, i përkushtuan plot 9 vite shërbimit në Spitalin e Proptishtit. Aty, me përkushtim dhe profesionalizëm, arritën rezultate të jashtëzakonshme në kujdesin ndaj pacientëve të zonës së Mokrës.

Në vitin 1992, Dr. Qamili përfundoi specializimin si mjek reanimator, dhe që nga ajo kohë, nuk i është ndarë kurrë urgjencës mjekësore në Pogradec. Natë e ditë, ai i ka qëndruar pranë çdo rasti emergjent, duke shpëtuar jetë dhe duke dhënë shpresë.

Edhe pse prej 5 vitesh është në pension, zemra e tij e madhe dhe ndjenja e misionit nuk janë lodhur kurrë. Ai vazhdon të jetë i pranishëm, gati për të ndihmuar sa herë që dikush ka nevojë.

Qytetarë të Pogradecit, mos harroni kurrë mjekët tuaj! Ata që ju kanë qëndruar pranë në orët më të vështira, meritojnë më shumë se një falënderim.

Shëndet dhe jetë të gjatë i urojmë Dr. Qamil Avdullait – një shembull frymëzimi dhe përkushtimi të rrallë.

“KORÇA BOOM”