Ahmetaj: Autoritetet zvicerane po shqyrtojnë “pseudo-transfertën” prej më shumë se një viti

Ish-zëvendëskryeministri Arben Ahmetaj ka reaguar përmes rrjeteve sociale pas raportimeve se Ministria e Drejtësisë ka dorëzuar një kërkesë të re për ekstradimin e tij nga Zvicra. Ahmetaj mohoi që të ketë ndodhur ndonjë zhvillim i ri dhe theksoi se procedura e ekstradimit ndaj tij ka nisur mbi dy vite më parë.

Sipas tij, prej më shumë se një viti autoritetet zvicerane po shqyrtojnë atë që ai e quan “pseudo-transfertë”, ndërsa akuzoi qeverinë shqiptare se po manipulon opinionin publik duke e paraqitur këtë proces si një veprim të ri apo të menjëhershëm.

Në reagimin e tij, Ahmetaj u shpreh se përpjekjet për ta paraqitur situatën si një nismë të re janë thjesht pjesë e një strategjie propagandistike, ndërsa theksoi se procesi ligjor po vijon sipas procedurave të zakonshme në Zvicër.

"KORCA BOOM"