Aksident me pasojë vd*kjen në Prrenjas

Një aksident i rëndë ka ndodhur pasditen e sotme në Përrenjas, ku një burrë rreth 50-vjeç ka humbur jetën pasi u përplas nga një automjet që po lëvizte me shpejtësi të lartë.

Viktima, që dyshohet të jetë banor i zonës, po kalonte rrugën kur makina e mori përpara, duke e hedhur në ajër dhe përplasur mbi një tjetër automjet.

Fatkeqësisht, ai nuk mundi t’i mbijetojë plagëve të marra.

Dëshmitarët në vendngjarje për JOQ tregojnë tmerrin që panë: “Para një ore e gjysmë ka ndodhur një aksident në Përrenjas, dhe ka humbur jetën një burrë rreth moshës 50 vjeç. Unë isha aty dhe e pashë kur e përplasi makina.

Ai ndërroi jetë në vend se e hodhi në ajër makina dhe ra sipër një makine tjetër. Ai po kalonte rrugën dhe makina me shpejtësi e mori përpara. Ishte i zonës aty,” shkruan një qytetare.

Ndërkohë nuk ka ende asnjë reagim të policisë në lidhje me ngjarjen në fjalë.

“KORÇA BOOM”