Aksident pranë kryqëzimit të Sovjanit, një person përfundon i plagosur

Një aksident rrugor është regjistruar në afërsi të kryqëzimit të fshatit Sovjan, në bashkinë Maliq. Sipas informacioneve paraprake, një automjet ka përplasur një person që po lëvizte me biçikletë, duke e lënë të plagosur.

Ende nuk dihet gjendja shëndetësore e të plagosurit. Policia ndodhet në vendngjarje dhe po kryen veprimet për zbardhjen e rrethanave të aksidentit, ndërsa i lënduari është dërguar me urgjencë drejt spitalit rajonal të Korçës për ndihmë mjekësore.

"KORCA BOOM"