Aksident tragjik/ 24 viktima si pasojë e përplasjes së trenave

Iryo, një kompani private hekurudhore që operoi udhëtimin nga Malaga, tha se rreth 300 pasagjerë ishin në bordin e trenit që doli i pari nga shinat, ndërsa treni tjetër, i operuar nga firma shtetërore Renfe, kishte rreth 100 pasagjerë...

Të paktën 24 persona u vranë dhe 73 të tjerë u plagosën të dielën në mbrëmje në një aksident hekurudhor me shpejtësi të lartë që përfshiu dy trena në Spanjën jugore, konfirmuan autoritetet.

Nga të plagosurit, 15 janë në gjendje të rëndë, njoftoi Presidenti i rajonit të Andaluzisë, Juanma Moreno, duke shtuar se ekipet mjekësore kishin trajtuar 170 persona të tjerë për lëndime të lehta në një spital fushor, sipas transmetuesit publik RTVE.

Aksidenti ndodhi rreth orës 19:40 sipas orës lokale (18:40 GMT) kur një tren që udhëtonte nga Malaga për në Madrid doli nga shinat pranë Adamuz, Cordoba, dhe u fut në një shinë ngjitur.

Autoritetet paralajmëruan se numri i të vdekurve mund të rritet në përplasjen më të keqe hekurudhore në Spanjë në më shumë se një dekadë.

Vagonët e një treni që shkonte në Madrid dolën nga shinat dhe kaluan në anën e kundërt, duke u përplasur me një tren që vinte përballë në Adamuz, pranë qytetit të Kordobës./ Pamfleti

“KORÇA BOOM”