Aksident zinxhir, përplasen 6 automjete

Një aksident zinxhir ka ndodhur në autostradën Tiranë–Durrës, ku gjashtë automjete janë përplasur njëra pas tjetrës, duke shkaktuar shqetësim për drejtuesit e mjeteve dhe bllokim të përkohshëm të qarkullimit.

Sipas burimeve nga vendngjarja, ngjarja ka ndodhur në një segment me fluks të lartë qarkullimi. Trafiku i rënduar dhe mungesa e distancës së sigurisë mes automjeteve dyshohet se kanë qenë shkaktarët kryesorë të përplasjes zinxhir, pasi drejtuesit e mjeteve nuk kanë mundur të frenojnë në kohë.

Si pasojë e aksidentit, qarkullimi i automjeteve është ngadalësuar ndjeshëm për disa minuta, ndërsa forcat e policisë dhe shërbimet përkatëse kanë ndërhyrë për normalizimin e situatës dhe largimin e mjeteve nga rruga.

Fatmirësisht, nga aksidenti nuk raportohet për persona të lënduar rëndë, ndërsa dëmet janë vetëm materiale. Autoritetet u bëjnë thirrje drejtuesve të automjeteve të respektojnë distancën e sigurisë dhe të tregojnë kujdes të shtuar, veçanërisht në orët me trafik të rënduar.

"KORCA BOOM"