Trafik d*roge dhe emra të njohur. Arrestohen dy drejtorë

Një operacion i gjerë antidrogë i zhvilluar nga Policia e Tiranës ka çuar në arrestimin e 22 personave, të dyshuar si pjesë e një grupi kriminal të përfshirë në trafikun e lëndëve narkotike. Aksioni është konsideruar me ndikim të lartë publik, për shkak se mes të arrestuarve janë edhe persona të lidhur me një kompani të rëndësishme private.

Sipas burimeve zyrtare, në pranga kanë rënë edhe Erald Sina, i cili mbante detyrën e Drejtuesit të Departamentit të Zyrave dhe Pasurisë në kompaninë ONE Albania, si dhe Artan Pullazi, Team Leader në të njëjtën kompani.

Prania e emrave të tillë në këtë hetim e bën operacionin të ndjeshëm edhe në aspektin institucional, duke ngritur pikëpyetje mbi përfshirjen e individëve me pozicione drejtuese në veprimtari të paligjshme.

Kujtohet se Erald Sina kishte qenë më herët nën hetim, disa muaj më parë, për fshehjen e një sulmi të ndodhur në ambientet e kompanisë telefonike “ONE”, çështje që kishte ngjallur reagime dhe interes publik.

Hetimet për këtë grup kriminal vijojnë, ndërsa policia pritet të japë detaje të tjera lidhur me rolet konkrete të të arrestuarve dhe shtrirjen e aktivitetit kriminal. Autoritetet theksojnë se operacioni është pjesë e goditjes së vazhdueshme ndaj trafikut të lëndëve narkotike dhe grupeve të strukturuara kriminale.

"KORCA BOOM"