Alarm/ Grabitet arma e një punonjësi burgu

Një vjedhje e rëndë është shënuar mbrëmjen e djeshme në qytetin e Durrësit, ku objekt i grabitjes ka qenë edhe arma e shërbimit e një punonjësi të Institucionit të Ekzekutimit të Vendimeve Penale (IEVP) Durrës.

Sipas kallëzimit në polici, shtetasi Shpëtim Mustafaj, 43 vjeç, banues në Durrës dhe punonjës i IEVP Durrës, ka deklaruar se persona ende të paidentifikuar kanë hyrë në banesën e tij, duke i vjedhur armën e shërbimit si dhe arkën me kursime.

Policia ka nisur hetimet për identifikimin dhe kapjen e autorëve, si dhe për zbardhjen e plotë të rrethanave të ngjarjes.

"KORCA BOOM"