Alarm në fushën torfike: Zjarr në brendësi të tokës në Maliq

Në fushën torfike të Maliqit janë shfaqur vatra zjarri në thellësi të tokës, duke detyruar Bashkinë Maliq të ndërhyjë me mjete dhe burime për të shmangur përhapjen e flakëve.

Përballë temperaturave të larta dhe riskut të shtuar, bashkia ka bërë apel ndaj të gjithë fermerëve të tregojnë kujdes të shtuar, sidomos në këto ditë të nxehta ku fusha është e mbushur me prodhime.

“Duhet angazhimi i të gjithëve për të kaluar një verë me sa më pak probleme,” thuhet në njoftimin e bashkisë, duke theksuar rëndësinë e bashkëpunimit të komunitetit për parandalimin e zjarreve dhe mbrojtjen e mjedisit bujqësor.

“KORÇA BOOM”