Ardit Nikaj gjen golin e parë në Poloni, feston me shqiponjë pas vetëm 6 minutash lojë

Ish-sulmuesi i Skënderbeut, Ardit Nikaj, ka shënuar golin e parë me fanellën e Visla Krakov në kampionatin polak. Ai u aktivizua në minutën e 78-të të ndeshjes kundër Slask Vroclav dhe arriti të tundte rrjetën në minutën e 84-t, vetëm 6 minuta pas hyrjes në fushë.

Pas një asistimi të mirë në zonë, Nikaj kontrolloi topin dhe realizoi golin, duke festuar më pas me simbolin e shqiponjës – një gjest që u përshëndet edhe nga tifozët shqiptarë në rrjetet sociale.

Ky ishte goli i pestë për Visla Krakov në një fitore me shifra të thella, duke treguar forcën e sulmit të ekipit.

23-vjeçari u transferua gjatë merkatos së verës në kampionatin polak. Deri tani ka luajtur në dy ndeshje. Në tre raste nuk është përfshirë fare në skuadër, ndërsa në tre ndeshje të tjera ka qenë në pankinë pa marrë minuta loje.

“KORÇA BOOM”