Arrestohet ish-bashkëpunëtori i Soros: Rubin akuzohet për shfrytëzim dhe torturë në një "burg seksi"

Howard Rubin, një ish-menaxher fondesh nga Wall Street, i njohur për lidhjet e tij të mëparshme me organizatat dhe fondet e George Soros, është arrestuar në Shtetet e Bashkuara nën akuza të rënda për shfrytëzim prostitucioni dhe abuzim seksual ndaj disa grave.

Sipas një artikulli të publikuar nga New York Post, Rubin, aktualisht i dalë në pension dhe banues në Fairfield, Connecticut, u ndalua nga autoritetet federale pas një hetimi të gjatë. Ai akuzohet për përdorimin e një apartamenti luksoz në Manhattan, i transformuar në një ambient të quajtur nga mediat si një "burg seksi", ku dyshohet se janë ushtruar praktika ekstreme të natyrës BDSM dhe janë kryer veprime të dhunshme përtej kufijve të pëlqimit të viktimave.

Prokurori amerikan në Brooklyn, Joseph Nocella, ka deklaruar se ndaj Rubin është ngritur një aktakuzë me 10 pika, ku përfshihen akuza për torturë, trafikim dhe detyrim për prostitucion. Sipas prokurorisë, viktimat janë rekrutuar me premtime për pagesa të mëdha dhe udhëtime luksoze, por më pas janë gjendur të keqtrajtuara dhe në disa raste të lënduara rëndë fizikisht.

Rubin ka qenë më parë pjesë e strukturave të menaxhimit të fondeve të George Soros, si dhe ka punuar me klientë të tjerë të profilit të lartë në financë. Rasti ka tërhequr vëmendje të madhe në opinionin publik amerikan për shkak të lidhjeve të mëparshme të tij me qarqe elitare të Wall Street-it.

Hetimet mbi këtë rast vijojnë, ndërsa autoritetet federale nuk kanë përjashtuar mundësinë e përfshirjes së personave të tjerë apo zgjerimin e akuzave.

“KORÇA BOOM”