Autobot me gaz përfshihet nga flakët

Një mjet tip autobot me gaz është përfshirë nga flakët në aksin rrugor Elbasan–Peqin, pranë fshatit Pajovë. Ngjarja ka shkaktuar panik te drejtuesit e mjeteve që po qarkullonin në këtë segment rrugor.

Fatmirësisht, nuk ka pasur shpërthim, çka do të kishte sjellë pasoja shumë të rënda për automjetet e tjera, drejtuesit e mjeteve që përshkonin aksin, si edhe për kalimtarët e rastit në zonë.

Falë ndërhyrjes së menjëhershme të shërbimeve zjarrfikëse dhe krijimit të një perimetri sigurie, u bë e mundur izolimi i flakëve dhe shmangia e një tragjedie të mundshme.

Autoritetet punuan për neutralizimin e rrezikut dhe sigurimin e zonës.

Deri në këto momente, shkaqet e përfshirjes së autobotit nga flakët mbeten të paqarta, ndërsa pritet që grupi hetimor të sqarojë rrethanat e plota të ngjarjes.

"KORCA BOOM"