Batuta dhe ironi te BBV 5: Selin dhe Lore ‘ngacmojnë’ Mirin nga akuariumi

Që pas përfundimit të Prime-it të së shtunës, Miri ndodhet në akuarium së bashku me pesë banorë të tjerë të shtëpisë më të famshme në Shqipëri, “Big Brother VIP 5”. Gjatë qëndrimit të tij aty, banorë të ndryshëm kanë shkuar herë pas here pranë derës së akuariumit për të komunikuar me ta dhe për të shkëmbyer batuta.

Në një nga këto momente, pranë akuariumit kanë shkuar edhe Lore dhe Selin. Kjo e fundit nuk ka hezituar ta “qortojë” Mirin për rrëmujën që kishte lënë në dollapin e rrobave. Selin i ka thënë hapur se e kishte sharë shumë për këtë arsye dhe se dollapi ishte lënë në një gjendje aspak të rregullt.

Miri është justifikuar duke thënë se kjo është diçka që e bën gjithmonë kur ka Prime, pasi fut të gjitha rrobat në dollap dhe më pas i rregullon. Situata u shoqërua me batuta dhe ironi, ku edhe Lore ndërhyri duke i sugjeruar Mirin që më mirë të dilte nga akuariumi dhe të qëndronte në dollap.

Selin vijoi me shaka duke i thënë që të futej në dollap dhe të rrinte aty, ndërsa theksoi edhe një herë se rrëmuja ishte e madhe. Miri nga ana e tij u shpreh se do ta rregullonte gjithçka sapo të dilte nga akuariumi dhe shtoi se nuk i mbetej gjë tjetër për të bërë në atë moment.

Gjatë bisedës, Miri ironizoi edhe faktin se banorët nuk ishin aspak të mërzitur nga mungesa e tij, duke falënderuar vajzat për këtë gjë. Në fund, ai u shpreh se kishte shumë gjëra për t’u thënë të dyjave, duke lënë të kuptohet se bisedat mes tyre nuk kishin përfunduar ende.

Ky moment solli edhe një herë atmosferë humori dhe batutash brenda shtëpisë së Big Brother VIP 5, duke treguar se edhe situatat e vogla të përditshmërisë shpesh kthehen në momente argëtuese për banorët dhe publikun.

"KORCA BOOM"