Dita e Trashëgimisë Kulturore në Devoll

Bashkia Devoll, në kuadër të Ditës Kombëtare të Trashëgimisë Kulturore, organizon aktivitetin “Dita e Trashëgimisë Kulturore në Devoll”, me synim ruajtjen dhe përcjelljen e trashëgimisë etnografike e shpirtërore tek brezat e rinj përmes artit dhe kulturës.

Pedonalja e qytetit të Bilishtit

30 shtator 2025

Ora 12:00

Ekspozita do të sjellë:

Veshje popullore tradicionale

Punime artizanale me dru, gur, tekstile, endje, thurje e punime prej metali.

Artin e gatimit tradicional të zonës së Devollit me receta autentike të ruajtura ndër vite.

Nxënësit e shkollave të qytetit dhe të njësive administrative përreth do të jenë pjesë e këtij aktiviteti, duke ofruar kontributin e tyre në njohjen dhe promovimin e trashëgimisë sonë të vyer.

Ju ftojmë të gjithëve të bëheni pjesë e këtij udhëtimi kulturor që forcon identitetin tonë dhe krenarinë për traditat devollite.

“KORÇA BOOM”