Donald Trump ultimatum Iranit për hapjen e Ngushticës së Hormuzit

Presidenti amerikan, Donald Trump, ka përsëritur kërcënimet ndaj Iranit, duke paralajmëruar sulme ndaj infrastrukturës së tij nëse Teherani nuk hap Ngushtica e Hormuzit.

Deklaratat e tij erdhën disa orë pasi forcat amerikane shpëtuan një anëtar të ekuipazhit të rrëzuar nga një avion luftarak F-15 Eagle.

Në një postim në platformën Truth Social, Trump shkroi: “E marta, 7 prill, do të jetë një ditë që nuk është parë kurrë më parë në Iran. Hapeni atë ngushticë, ose do të përballeni me pasoja të rënda”.

Afatet e vendosura prej tij kanë ndryshuar disa herë gjatë ditëve të fundit. Në një intervistë për The Wall Street Journal më 5 prill, ai deklaroi se Irani duhet ta hapë ngushticën brenda dy ditësh, përndryshe “do të humbasë termocentralet dhe infrastrukturën energjetike”.

Në një tjetër deklaratë për Fox News, Trump tha se negociatat me Teheranin janë duke vazhduar dhe se ekziston mundësia për një marrëveshje të shpejtë.

Nga ana tjetër, kryetari i Parlamentit iranian, Mohammad Baqer Qalibaf, i bëri thirrje SHBA-së të ndalë “përshkallëzimin e rrezikshëm”, duke paralajmëruar se i gjithë rajoni mund të përfshihet nga konflikti.

Tensionet janë rritur ndjeshëm pasi Irani ka kufizuar ndjeshëm qarkullimin në Ngushtica e Hormuzit, një rrugë jetike nga ku kalon rreth 20% e furnizimit global me naftë dhe gaz, duke shkaktuar rritje të çmimeve të energjisë në nivel global.

Konflikti mes SHBA-së dhe Iranit, me përfshirjen edhe të Izraelit, është përshkallëzuar që nga fundi i shkurtit, me sulme dhe kundërsulme që kanë rritur frikën për një përplasje më të gjerë në Lindjen e Mesme.

"KORÇA BOOM"