E FUNDIT/ Mbërrin Luko Vaskuez. Nesër del në stërvitje!

Lajmi më i fundit që zbulohet nga klubi bardhekuq ka të bëjë me mbërritjen ditën e sotme të Luko Vaskuez. Mbrojtësi kolumbian i zgjati pushimet, por ndërkohë klubi ka arritur që ta bindë lojtarin të rikthehet dhe tashmë ditën e sotme Vaskuez mbërrin në Korçë për t'u vënë menjëherë nën urdhërat e Ernest Gjokës.

Ka qenë portali ynë që zbuloi lajmin përpara dy ditësh se Vaskuez do të vinte në juglindje dhe se është një forcë më shumë në repartin e prapavijës. Ditën e nesërme Vaskuez do të jetë në stërvitje, por nuk dihet nëse do të jetë në miqësoren e së shtunës ndaj Strugës, pasi edhe udhëtimi për kthim ka qenë i lodhshëm.

Ndërkohë që Vaskuez u rikthye, thuajse çdo ditë e më larg janë dy të huajt e tjerë. Bëhet fjalë për dy brazilianët, Juri Merlim dhe Marko Ramos. Të dy lojtarët nuk do të kthehen dhe tashmë pritet të mësohet vetëm lajmi sa do të jetë gjoba për ta dhe, po të dy futbollistët nuk mund të luajnë në kampionate të tjera, pasi kanë kontratë me Skënderbeun.

Gjatë orëve të ardhshme pritet që Skënderbeu të zyrtarizojë edhe dy blerje, të cilat janë mbajtur të fshehta nga ana e klubit bardhekuq, por që pritet ndoshta të zbulohen që ditën e nesërme.

“KORÇA BOOM”