E FUNDIT/ Takaj takim me të tijtë në Durrës, besimi është maksimal

Ekipi i Skënderbeut do të luajë një nga ndeshjet më të rëndësishme të sezonit, të cilit po i vjen fundi. Ekipi korçar është vendosur në Durrës, edhe pse ndeshja do të zhvillohet ditën e shtunë.

Korçarët kanë marrë vendimin të pozicionohen atje për të mbyllur këto dy seancat e fundit në resortin e presidentit Ardjan Takaj.

Kjo është bërë për disa arsye.

Së pari, duhet theksuar se Takaj do të jetë më pranë ekipit dhe do të ndjekë çdo seancë stërvitore, për të treguar se të gjithë së bashku do t’ia dalin.

Madje, Takaj ka zhvilluar takime të shpeshta me futbollistët, si në fushën stërvitore, ashtu edhe jashtë saj. Ndërkohë, mësohet se me stafin qëndron gjatë gjithë kohës dhe përpiqet të ndihmojë në tejkalimin e çdo ngarkese psikologjike.

Mbi të gjitha, ai u jep kurajë lojtarëve të tij, duke i bindur se do të dinë si t’ia dalin edhe në këtë ndeshje, e cila mund të vendosë fatet e sezonit, një javë përpara përfundimit të gjithçkaje.

 “KORÇA BOOM”