EKSKLUZIVE/ Presidenti Ardjan Takaj mbërrin në Korçë. Ja çfarë po ndodh!

Presidenti i Skënderbeut, Ardjan Takaj ka mbërritur përpara kohe në juglindje dhe ditën e sotme pas pak orësh do të zhvillojë takimin e parë me Skënderbeun. Burime pranë klubit bardhekuq bëjnë me dije se presidenti i Skënderbeut Takaj, në orën 11:00 do të zhvillojë takim me stafin teknik me në krye trajnerin Ernest Gjoka.

Takimi është lënë qysh një ditë më parë dhe do të zhvillohet me dyer të mbyllura. Mësohet se presidenti do të diskutojë me Gjokën dhe stafin e tij për sezonin e ri, për lojtarët që pritet të vijnë dhe për ndonjë që edhe mund të largohet në momentet e fundit.

E thënë ndryshe njëshi i klubit do të bekojë së pari stafin teknik dhe pritet që të lerë takim edhe me lojtarët që me shumë gjasa mund të zhvillohet nesër, një ditë përpara startit të sezonit të ri.

Takaj do të qëndrojë deri pas ndeshjes me Burrelin në juglindje dhe kjo tregon që Skënderbeu i ka ndezur “motorët” që nga drejtuesit për të vijuar deri të tjerët.

Tashmë pritet të mësohet se çfarë do të diskutohet në këtë takim të sotëm të orës 11:00, por atmosfera e pragndeshjes së parë ka filluar të ndihet.

Në juglindje tashmë po flitet vetëm për ndeshjen e së shtunës në orën 20:00 atë ndaj Burrelit.  

“KORÇA BOOM”