EKSKLUZIVE: Ndodh e papritura për miqësoren e planifikuar Skënderbeu-Luftëtari!

Në kuadër të përgatitjeve për sezonin e ri, ekipi i Skënderbeut ka zhvilluar katër ndeshje miqësore deri tani, përballë Strugës, Besës, Pogradecit dhe Vorës.

Ishte planifikuar edhe një ndeshje miqësore me Luftëtarin ditën e martë, por ajo nuk do të zhvillohet. Arsyeja është se Luftëtari është kthyer në Gjirokastër, duke mbyllur më herët se parashikimi përgatitjet në Ersekë.

Kjo sjell ndryshim plani për gjirokastritët dhe, për rrjedhojë Skënderbeu është njoftuar që ndeshja nuk do të luhet.

Tani Skënderbeu është në kërkim të një ose dy kundërshtarëve të tjerë për miqësore, që të zhvillohen para datës 23 gusht, kur fillon sezoni i ri futbollistik.

“KORÇA BOOM”