EKSKLUZIVE/ Përfundon miqësorja derbi Pogradeci-Skënderbeu. Mësoni çfarë ka ndodhur

Pogradeci-Skënderbeu 0-2

Shënues: Janaqi 11’, Rodrigues 73’ (aut)

Pogradeci: Staniç, Zguro, Kasmollari, Samake, Sallo, Kazem, Marakli, Gjoni, Danaldi, Lilo, Rodrigues. Trajner: Ardian Mema

REZERVA (Baçi, Raza, Pere, Merkolaj, Palushi)

Skënderbeu: Alia, Rani, Vaskuez, Shaqe, Vangjeli, Janaqi, Estrela, Abubakari, Nasr, Ukiçi. Trajner: Ernest Gjoka

REZERVA (Dervishaj, Zenullari, Hamadu, Gjini, Franklin, Gift, Emanuel, Laze, Korçari, Hasa, Nasto)

Gjyqtar: Juxhin Xhaja

Pogradeci-Skënderbeu është miqësorja që startoi në orën 17:30, një takim me interes për tifozët në shkallët e stadiumit “Gjorgji Kyçyku” edhe pse është thjesht një ndeshje miqësore.

10 minutat e para janë të qeta për të dyja skuadrat, ku Skënderbeu përpiqet disi më shumë, por pa rrezikuar portën vendase, ndërkohë që liqenorët thuajse më shumë kanë zgjedhur të luajnë në prapavijë.

Duhet të vinte minuta e 11-të që Skënderbeu me një zbritje  të shpejtë në krahun e majtë, topi shkon në hyrje të zonës të Pogradecit dhe është Janaqi që gjuan fuqishëm duke përshëndetur rrjetën e Pogradecit, 0-1 për Skënderbeun.

Ka festë te Skënderbeu për golin e avantazhit, ndërkohë që tre minuta pas shënimit të golit të avantazhit të bardhekuqve, janë pogradecarët që do të shënonin rastin e parë, ku Kazem nga e djathta godet drejt portës, por pret Marko Alia.

Në minutën e 22-të do të vinte një tjetër rast për Pogradecin. Pas një krosi në zonë është Kazem që këtë herë gjuan me kokë, por topi përfundon ngjitur me traversën e portës së Alias, shpëton Skënderbeu.

Në minutën e 35-të Pogradeci humbet edhe rastin ideal të shënimit të golit të barazimit. Është Kazem që i shpëton mbrojtjes, del përballë Alia, gjuan dhe “gardiani” i Skënderbeut” shpëton një gol të sigurt.

Nuk ka më kohë dhe pjesa e parë mbyllet me avantazhin 0-1 për Skënderbeun.

E dyta fillon me ndërrime, ku Shaqe del dhe Zenullari hidhet në lojë. Gjithsesi loja është e qetë dhe e vakët deri në të 60-ën minutë, ku mungojnë thuajse fare rastet në portat respektive.

Në të 61-ën minutë Tayo për Skënderbeun për pak sa nuk shënon golin e dytë, e lëshon më shumë topin në zonë dhe është portieri Staniç që shpëton portën nga goli i dytë.

Në minutën e 73-të sërish Skënderbeu shënon. Është Rodrigues që në tentativë për ta kthyer topin te portieri Staniç, e kthen me kokë dhe topi përfundon në rrjetë, 0-2 për Skënderbeun.

Deri në fundin e takimit nuk ka raste dhe përfundimisht Skënderbeu fiton pastër 0-2 në transfertën e Pogradecit, duke bindur me lojë dhe rezultat.

2 minuta pas golit të dytë të Skënderbeut, është Nasr që në zonën e 5-metërshit diagonal gjuan dhe shpëton sërish portieri pogradecar duke e devijuar në këndore.

“KORÇA BOOM”