EKSKLUZIVE: Kush do të marrë frenat e Pogradecit? Bisedimet janë mbyllur nesër bëhet prezantimi ?

Klubi i Pogradecit ka nisur fazën e merkatos, por këtë herë fokusin e ka jo tek futbollistët, por tek trajneri i ri që do të marrë drejtimin e ekipit. Pas dorëheqjes së papritur të Ardi Memës, e cila është pranuar edhe nga presidenca, drejtuesit e klubit po punojnë intensivisht për gjetjen e zëvendësuesit të tij.

Sipas informacioneve të siguruara, dy emra kanë qenë në listën e parë për këtë post: Bledar Devolli dhe Emiljano Çela. Megjithatë, pista e Devollit është ftohur dukshëm pasi ai ka marrë drejtimin e skuadrës së Kukësit, duke larguar kështu mundësinë e bashkëpunimit me Pogradecin.

Në këto momente, bisedimet me Emiljano Çelën janë në një fazë shumë të avancuar dhe pritet të merret vendimi përfundimtar. Drejtuesit e klubit shprehen të bindur se Çela mund të jetë zgjidhja ideale për të rikthyer ekipin në rrugën e suksesit.

Por lajmi i fundit që mesohet nga " Korça Boom" ështe se nesër bëhet edhe prezantimi i trajnerit te ri kjo do te ndodhë në oren 13.30

"Korça Boom"