Finalja po afron, por debatet jo: Miri dhe Selin përplasen ashpër në shtëpi

Teksa finalja e Big Brother VIP Albania po afrohet, tensionet mes Mirit dhe Selinit janë rikthyer sërish në qendër të vëmendjes, këtë herë për historinë e “krevatit” që daton që nga dita e parë e qëndrimit në shtëpi.

Debati u rindez pasi Vëllai i Madh transmetoi një klip me momentet e para të tyre, duke sjellë përplasje të drejtpërdrejta mbi versionet e ngjarjeve. Miri këmbënguli se ishte Selin ajo që kishte kërkuar të flinte pranë tij, ndërsa kjo e fundit e kundërshtoi, duke sqaruar se gjithçka kishte ndodhur për shkak të mungesës së vendeve dhe jo si një zgjedhje e qëllimshme.

Përplasja u intensifikua më tej kur Selin e akuzoi Mirin se po e përdor vazhdimisht këtë histori për të mbajtur debatin gjallë, ndërsa ai u mbrojt duke thënë se tema ishte rikthyer nga vetë produksioni.

Në mes të debatit ndërhyri edhe Rogerti, i cili hodhi dyshime se mes tyre mund të ketë pasur një njohje paraprake jashtë shtëpisë, duke u bazuar në gjuhën e trupit dhe reagimet gjatë takimit të parë. Kjo deklaratë u mohua menjëherë nga të dy banorët.

Me finalen që po afron, duket se tensionet në shtëpi jo vetëm që nuk janë zbehur, por vijojnë të rriten, duke e bërë garën edhe më të paparashikueshme për publikun.

“KORÇA BOOM”