Flamurtarit nuk i bën derman as stadiumi i restauruar dhe tifozeria e zjarrtë, kampionët e Egnatias triumfojnë në Vlorë

Flamurtari 1-2 Egnatia

83′ Todoroski / 45+1′(p) Albanese, 88′ Leo Melo 

As stadiumi i restauruar dhe tepër modern, si dhe tifozeria e zjarrtë vlonjate që kishte mbushur shkallët, nuk i erdhi në ndihmë Flamurtarit, për të gjetur fitoren e parë këtë sezon, teksa u mposht mbrëmjen e sotme nga kampionët e Egnatias me rezultatin 1 me 2.

Edhe pse kuqezinjtë shfaqën grintë dhe dëshirë, kryesisht në pjesën e dytë, nuk arritën t’ia dilnin për të marrë një rezultat pozitiv.

Albanese në fundin e pjesës së parë kaloi në avantazh miqtë nga pika e bardhë e penalltisë, ndërkohë që Todoroski vendosi baraspeshën në minutën e 84-t. Kur dukej se ndeshja po shkonte në favor të vlonjatëve, ishte braziliani Leo Melo, që përfitoi nga një përgjumje në mbrojtje, duke i dhuruar fitoren kampionëve në fuqi të Superiores.

Falë këtij triumfi, Egnatia, u ngjit në kuotën e 10 ndeshjeve në 5 ndeshje, ndërkohë që Flamurtari mban vendin e parafundit me 2 pikë.

“KORÇA BOOM”