Furgoni shpërthen në mëngjes, qendra tregtare evakuohet me urgjencë

Një burrë u dërgua me urgjencë në spital pas djegieve që mori nga një shpërthim në një furgon në një parking nëntokësor në një qendër tregtare në Wimbledon, Londër. Sipas gbnews.com, shpërthimi ndodhi të hënën në mëngjes, duke shkaktuar rrëmujë të madhe, pasi qendra tregtare, e cila ishte e zënë nga rreth 100 persona në atë kohë, duhej të evakuohej.

Shkaku i shpërthimit

Zyrtarët e policisë dhe zjarrfikësve thanë se shpërthimi u shkaktua nga objekte të ndezshme që mbante furgoni, kur çatia e tij – për arsye që aktualisht nuk dihen – "goditi" çatinë e parkingut. Fotot nga vendi i ngjarjes tregojnë furgonin pothuajse të shkatërruar plotësisht, me dritare të thyera dhe pjesën e brendshme të ekspozuar.

Një zëdhënës i Policisë Metropolitane tha se shoferi, një burrë rreth të 60-ave, u plagos dhe u dërgua me urgjencë në spital. Ai shtoi se incidenti është duke u hetuar dhe "nuk besohet të ketë lidhje me terrorizmin".

"KORCA BOOM"