Gardiania fut kontrabandë dhe kryen marrëdhënie me të burgosur, rasti trondit burgun

Një ngjarje e rëndë ka tronditur një nga burgjet më të mëdha të Mbretërisë së Bashkuar, HMP Five Wells, ku një gardiane dhe një i burgosur kanë pranuar se kanë kryer marrëdhënie seksuale gjatë detyrës. Alicia Novas, 19 vjeç, dhe Declan Winkless, 30 vjeç, pranuan se kishin kryer sjellje të pahijshme në detyrën publike gjatë një periudhe katërmujore vitin e kaluar.

Lidhja e tyre e paligjshme u zbulua fillimisht kur një video e Winkless duke kryer marrëdhënie seksuale me Novas në burg filloi të qarkullonte publikisht.

Sipas informacionit të paraqitur në gjykatë, Novas jo vetëm që kishte lidhje intime me të burgosurin, por gjithashtu i dha atij numrin e saj të telefonit dhe futi kontrabandë në burg, duke përfshirë kanabis dhe një telefon celular në një burg Kategorisë C.

Të dy pranuan gjithashtu përdorimin e paautorizuar të celularëve për të komunikuar me botën e jashtme. Winkless pranoi një akuzë tjetër për posedim të paautorizuar të një telefoni celular.

Gjatë një seance të shkurtër në Gjykatën e Kurorës në Northampton, Novas u deklarua fajtor për gjashtë akuza, ndërsa Winkless për shtatë akuza. Ky rast nxjerr në pah jo vetëm shkeljen e etikës profesionale, por edhe rrezikun serioz për sigurinë brenda burgjeve dhe mundësinë e kontrabandës.

Ngjarja ka ngritur shqetësime mbi kontrollin dhe mbikëqyrjen në institucionet penitenciare dhe nënvizon rëndësinë e respektimit të rregullave dhe protokolleve të sigurisë nga të gjithë stafin.

"KORCA BOOM"