Gazetarja Albana Bejko rrëfen për herë të parë: Kam qenë viktimë e përndjekjes nga një psikiatër nga Kosova

Gazetarja sportive Albana Bejko ka ndarë për herë të parë publikisht një përvojë personale të vështirë, duke rrëfyer se ka qenë viktimë e një përndjekjeje të vazhdueshme nga një mjek psikiatër nga Kosova, i identifikuar si Behar Kamberi.

E ftuar në emisionin “Goca dhe Gra” në Top Channel, Bejko tregoi se gjithçka kishte nisur më shumë se një vit më parë dhe se situata u bë gjithnjë e më e rëndë, duke e detyruar atë të kërkojë ndihmën e policisë.

“Një moment i frikshëm ishte kur në ambientet e punës personi u afrua dhe më kërkoi të uleshim për kafe. Reagimi im ishte instinktiv, i trembur — i thashë ‘të lutem, mu hiq qafe’. Pikërisht në atë moment kaluan katër djem dhe kjo e trembi pak,” – tregoi ajo.

Sipas Bejkos, periudha më e vështirë ishte nga qershori i vitit të kaluar deri pak ditë më parë, kur përndjekja u bë aq intensive, saqë ajo vendosi të kontaktojë policinë. Më pas, autori u arrestua nga autoritetet.

Ngjarja ka ngjallur reagime në rrjetet sociale dhe opinion publik, duke hapur diskutime të reja mbi sigurinë personale të grave, si dhe trajtimin institucional të rasteve të përndjekjes.

“KORÇA BOOM”