Giuseppe Paterno, 98 vjeç, bëhet i diplomuari më i vjetër në Itali

Italiani 98-vjeçar, Giuseppe Paterno, është shpallur diplomanti më i vjetër në Itali pasi përfundoi me sukses një master në histori dhe filozofi.

Ky është suksesi i tretë akademik i Paternos. Ai kishte përfunduar studimet bachelor në Universitetin e Piemontes Lindore dy vite më parë, ndërsa këtë vit mbrojti diplomën master në Universitetin e Vercellit, ku u vlerësua me nota të shkëlqyera.

Paterno, i lindur në vitin 1927, vendosi t’i rikthehej auditorëve pas humbjes së bashkëshortes së tij, Teresa, tre vite më parë. Në vend që të izolohej, ai vendosi ta mbushë jetën me dije dhe sfida të reja.

Ai nuk është i ri në fushën e arsimit të lartë: në vitin 1954, në moshën 27-vjeçare, përfundoi një diplomë në ekonomi dhe shkenca biznesi në Universitetin e Peruxhias. Më pas, në vitin 1990, mori një diplomë të dytë në sociologji nga Universiteti i Urbinos, në moshën 62-vjeçare.

Historia e Giuseppe Paternos është një dëshmi frymëzuese se dashuria për dijen nuk njeh moshë.

“KORÇA BOOM”