Gjendet një automjet i djegur me armë zjarri brenda, dyshohet lidhje me vrasjen

Një automjet i djegur është gjetur pranë një impianti për përpunimin e inerteve në zonën e Tapizës, në Fushë-Krujë. Sipas të dhënave paraprake, brenda në mjet janë gjetur dy armë zjarri automatike dhe një krehër.

Policia ndodhet në vendngjarje dhe po vijon hetimet për të identifikuar autorët, si dhe për të sqaruar rrethanat e plotë të rastit.

Dyshohet se ky automjet mund të jetë përdorur nga autorët e vrasjes së ndodhur një ditë më parë në qytetin e Lezhës, ndërsa pista e hetimit mbetet ende e hapur.

“KORÇA BOOM”