Gola, spektakël dhe përmbysje, Kastrioti e lë jashtë kupës Devollin

Kastrioti - Devolli 3-2

Devolli është eliminuar nga Kupa pas një humbjeje me përmbysje në një ndeshje të zhvilluar në transfertë kundër Kastriotit. Trajneri Erlind Maneshi kishte vendosur të aktivizonte futbollistë që kanë pasur pak minuta në këmbët e tyre, por kjo nuk i pengoi ata të bënin një paraqitje shumë të mirë.

Skuadra e Devollit kaloi e para në avantazh me një gol model të shënuar nga Andersoni. Megjithatë, në pjesën e dytë, Kastrioti reagoi.

Fillimisht ishte Hoxha ai që barazoi rezultatin në minutën e 73-të, ndërsa vetëm pesë minuta më vonë, në minutën e 78-të, Xhoni Ivani riktheu avantazhin për Devollin.

Por epërsia zgjati pak, pasi Kasmollari shënoi dy gola, duke përmbysur rezultatin dhe i dha fitoren e rëndësishme Kastriotit, që kalon kështu në fazën tjetër të Kupës.

“KORÇA BOOM”