Infermierja humbi jetën nga aksidenti, arrestohet drejtuesi i kamionit

Policia e Elbasanit ka njoftuar këtë të martë se ka arrestuar drejtuesin e kamionit, pas aksidentit të rëndë të ndodhur një ditë më parë në aksin rrugor “Gramsh-Porocan”.

Sipas hetimeve paraprake, 38-vjeçari Shaban Kotorri, banues në Gramsh, akuzohet për veprën penale “Drejtimi i automjeteve në mënyrë të parregullt”, pasi nga ky aksident humbi jetën shtetasja Dëshira Hoxha, e cila punonte si infermiere.

Në njoftimin zyrtar, policia bën me dije se përveç viktimës, është lënduar edhe pasagjerja Albana Boja, 39 vjeçe, e cila aktualisht ndodhet nën kujdesin e mjekëve dhe është fatmirësisht jashtë rrezikut për jetën.

Autoritetet theksojnë se vijojnë procedurat ligjore për zbardhjen e plotë të ngjarjes, ndërsa i arrestuari po mbahet në paraburgim për veprime të mëtejshme hetimore./ Oranews

“KORÇA BOOM”