Irani hap Ngushticën e Hormuzit, kalojnë 33 anije nën mbrojtjen e Gardës Revolucionare

Islamic Revolutionary Guard Corps ka njoftuar se gjatë 24 orëve të fundit janë lejuar të kalojnë 33 anije përmes Strait of Hormuz, një nga rrugët detare më të rëndësishme për tregtinë globale të naftës.

Sipas agjencisë shtetërore iraniane Fars, nëpër ngushticë kanë kaluar tankerë nafte, anije kontejnerësh dhe mjete të tjera tregtare, pasi kanë marrë miratimin dhe koordinimin nga marina e Gardës Revolucionare iraniane.

Zhvillimi vjen në një moment tensionesh të larta në rajon, ndërsa një burim i lartë iranian deklaroi për CNN se rruga detare është rihapur, por kalimi i sigurt kërkon koordinim me autoritetet iraniane.

Megjithatë, CNN raportoi se nuk mund të konfirmojë në mënyrë të pavarur pretendimet e Teheranit, edhe pse të dhënat nga platforma e monitorimit detar “MarineTraffic” tregojnë se disa anije kanë kaluar realisht përmes ngushticës. Sipas raportimeve, trafiku mbetet ende dukshëm më i ulët krahasuar me periudhën para konfliktit.

Ndërkohë, Donald Trump deklaroi se Ngushtica e Hormuzit “do të jetë e hapur” si pjesë e marrëveshjes mes Uashingtonit dhe Teheranit, pa dhënë më shumë detaje mbi normalizimin e plotë të lundrimit.

Nga ana tjetër, agjencia iraniane Tasnim ka paralajmëruar se situata nuk do të rikthehet në gjendjen e para luftës dhe se Irani do të vazhdojë të ushtrojë kontroll dhe sovranitet mbi ngushticën strategjike.

Sipas televizionit shtetëror iranian IRIB, aktualisht rreth 240 anije ndodhen në pritje për të marrë leje kalimi nëpër Ngushticën e Hormuzit.

“KORÇA BOOM”