KATEGORIA E PARË/ Starton më 23 gusht dhe mbyllet më 2 maj 2026!

Ka disa ditë që FSHF ka zyrtarizuar edhe datën e startit të kategorisë së parë dhe të të gjitha kompeticioneve të tjera të futbollit shqiptar, ndërkohë që kategoria e parë atje ku do të luajë edhe Skënderbeu do të ketë si datë starti 23 gushtin, ditë që do të nisë edhe superliga shqiptare.

Të paktën sezonin e ri Skënderbeu do të luajë në këtë kategori me 11 skuadra të tjera dhe sigurisht që Skënderbeu është skuadra favorite për tu ngjitur në superligë. Edhe 2 muaj deri në ditën e startit, ndërkohë që mendohet që javën e ardhshme skuadra bardhekuqe të zbresë në fushë për të startuar përgatitjet verore dhe ka kohën e mjaftueshme deri në startin e sezonit të ri.

Më poshtë sjellim 12 ekipet pjesëmarrëse të edicionit të ri në kategorinë e parë, ndërkohë që përpos Skënderbeut kujtojmë që është edhe Pogradeci skuadra tjetër e juglindjes, e cila do të ketë edhe ajo si objektiv ngjitjen në superligë.

LISTA E 12 SKUADRAVE PJESËMARRËSE NË KATEGORINË E PARË

POGRADECI 

BESA 

BURRELI 

APOLONIA 

LUSHNJA 

KORABI 

KUKËSI 

KASTRIOTI 

SKËNDERBEU 

LAÇI 

LUFTËTARI 

ILIRIA  

“KORÇA BOOM”