Kundërshtarët e fortë të Skënderbeut mbeten pa trajner dhe staf teknik

Klubi i Futbollit Laçi ka njoftuar zyrtarisht largimin e trajnerit të parë Rui Amorim, ndihmës trajnerit Joao Redondo dhe trajnerit të portierëve Tiago Torcato. Shkaku i këtij vendimi ka qenë i natyrës familjare, çka ka detyruar stafin teknik portugez të ndërpresë bashkëpunimin me klubin bardhezi.

Vendimi vjen në një moment kur ekipi po përgatitet për sfidat e sezonit të ri, dhe largimi i stafit teknik përbën një zhvillim të papritur për drejtuesit dhe tifozët. Sipas njoftimit zyrtar të klubit, largimi është bërë me mirëkuptim të ndërsjellë dhe palët janë ndarë në mënyrë korrekte dhe profesionale.

Klubi i Laçit ka falënderuar trajnerin Rui Amorim dhe bashkëpunëtorët e tij për kontributin e dhënë gjatë kohës që kanë qenë pjesë e skuadrës, duke u uruar suksese në karrierën e tyre të mëtejshme.

Në ditët në vijim pritet që drejtuesit e klubit të njoftojnë për emrin e trajnerit të ri që do të marrë drejtimin e skuadrës në vazhdimësi.

“KORÇA BOOM”