KUPA/ Skënderbeu sot pret Basanian. Pogradeci do kualikimin me Delvinën. Maliqi dhe Devolli prova të vështira

Korca Boom
Oct 15
2 min read

Sot luhet turi i parë i Kupës së Shqipërisë, teksa më parë u luajt turi paraeleminator, duke zbardhur tashmë ndeshjet e ditës së sotme, me një pjesë të skuadrave të superligës, të gjitha ekipet e kategorisë së parë dhe ekipe të kategorisë së dytë, por edhe më tej.

Sigurisht që Kupa u hap që dje me skuadrat që tashmë janë kualifikuar. Laçi dhe Korabi janë dy skuadrat e para të kualifikuara ditën e djeshme me fitoret e arritura, ndërkohë që sot pritet të luhen edhe 14 përballje të tjera. Të gjitha takimet luhen me një ndeshje dhe kush fiton kalon më tej.

Skënderbeu pritet që ta ketë të lehtë fitoren sot ndaj një ekipi që pak njihet, Basania. Pritet që në këtë takim trajneri Ernest Gjoka të aktivizojë në pjesën më të madhe lojtarët që kanë luajtur pak deri tani, ndërkohë që titullarët do ti kursejë për ndeshjen e fundjavës ndaj Luftëtarit.

Po sot edhe Pogradeci do të kërkojë kualifikimin, teksa do të presë në shtëpi Delvinën dhe edhe kjo duket një përballje e lehtë për liqenorët që kanë ndërruar edhe trajner dhe gjithë vëmendjen e kanë te kampionati, por edhe për Kupë duan të shkojnë sa më larg.

Përsa i përket dy ekipeve të tjera të juglindjes që marrin pjesë në kategorinë e dytë, Maliqi dhe Devolli, sot kanë pak shanse që të kërkojnë kualifikimin.

Maliqi luan një ndeshje shumë të vështirë përballë Vorës së superligës, ndërkohë që Devolli luan në transfertë me Kastriotin.

Më poshtë sjellim të gjitha ndeshjet e Kupës, që luhem me një ndeshje:

DJE (14 Tetor 2025)

LAÇI – KËLCYRA 3-0

KORABI – VELEÇIKU 4-1

SOT (15 Tetor 2025)

ORA: 13:30

SKËNDERBEU – BASANIA

VORA – MALIQI

FLAMURTARI – NAFTËTARI

BESA – SHKUMBINI

BURRELI – SHIROKA (Albanët)