Kur ikin të mirët, dhimbja s’ka fjalë/ Lamtumirë Profesor i Edukimit Fizik

Na tronditi lajmi i ndarjes nga jeta të kolegut dhe mikut tonë të dashur, Arben Mato.

Mësues i edukimit fizik, ish-lojtar i ekipit të basketbollit të Pogradecit dhe trajner i përkushtuar me grupmoshat e reja në këtë sport që e deshi aq shumë.

Që në moshë të re, Arbeni punoi me zemër për t’u ushqyer fëmijëve dashurinë për basketbollin – një pasion që e shoqëroi gjatë gjithë jetës së tij.

Këtë vit mbylli ciklin e punës dhe doli në pension – një periudhë që duhej ta shijonte me qetësi e dinjitet, por fati vendosi ndryshe.

Do të na mungosh si koleg, si mik, si njeri. Humori yt i veçantë dhe batutat plot jetë do të mbeten kujtim i paharruar për të gjithë ne.

Pusho në paqe, profesor Arben Mato!

🕊️🏀

“KORÇA BOOM”