LAJMI I FUNDIT/ Mjekët bëjnë mrekulli, shpëtohet fëmija me trup të huaj në rrugët e frymëmarrjes

Një ngjarje me fund të lumtur ka ndodhur së fundmi, pasi mjekët kanë arritur të shpëtojnë jetën e një fëmije të vogël që kishte gëlltitur një trup të huaj.

Pak orë më parë, fëmija u raportua se kishte bllokuar rrugët e frymëmarrjes për shkak të një objekti të huaj që kishte kaluar në rrugët e poshtme respiratore. Situata ishte kritike dhe kërkonte ndërhyrje të menjëhershme.

Menjëherë u angazhua transporti ajror nga Korça dhe fëmija u dërgua me helikopter drejt Tiranës, ku ekipi mjekësor priti urgjentisht dhe ndërhyri pa humbur kohë. Falë ndërhyrjes së shpejtë dhe profesionalizmit të mjekëve, objekti u hoq me sukses dhe gjendja shëndetësore e fëmijës tani është e mirë.

Sipas informacioneve të siguruara nga “Korça Boom”, fëmija ndodhet jashtë rrezikut për jetën dhe po merr trajtimin e nevojshëm nën kujdesin e specialistëve.

“KORÇA BOOM”