Mirupafshim Korçë! Lojtari nuk do të jetë më pjesë e Skënderbeut

Situata e katër futbollistëve të Skënderbeut, të cilët për shkak të problemeve me vizat nuk arritën të ishin në kohën e duhur pranë ekipit, është kthyer në një temë me mjaft diskutime ditët e fundit.

Megjithatë, siç është njoftuar edhe më herët, dy prej tyre janë bashkuar tashmë me grupin. Bëhet fjalë për Saleh Nasr dhe Baba Musa, të cilët janë vënë nën urdhrat e stafit teknik dhe pritet të jenë pjesë e planeve të trajnerit.

Ndërkohë, mësohet se Luka Vaskes nuk do të jetë më pjesë e Skënderbeut. Sipas informacioneve, ka qenë vetë futbollisti që ka kërkuar zgjidhjen e bashkëpunimit, duke njoftuar klubin se për arsye personale dhe familjare nuk do të vazhdojë me ekipin korçar.

Pritet edhe një reagim zyrtar nga ana e klubit për të sqaruar përfundimisht situatën.

Sa i përket Randit, ka shumë gjasa që ai t’i bashkohet grupit gjatë kësaj jave, duke plotësuar kështu kontingjentin e afrimeve të pritshme.

"KORCA BOOM"