Momente paniku në lokal, klienti i dehur sulmon banakierin dhe kamerierin

Një ngjarje e rëndë ka ndodhur në Itali, ku një 30-vjeçar shqiptar ka plagosur me thikë pronarin e një lokali, që punonte si barist, dhe djalin e tij, që punonte si kamerier. Sulmi ndodhi pasi pronari dhe djali refuzuan t’i shërbenin alkool.

Sipas dëshmitarëve, sulmuesi ndodhej në gjendje të dukshme dehjeje dhe kishte krijuar shqetësim brenda lokalit para se të përdorte dhunë. Momente paniku u regjistruan para klientëve dhe kalimtarëve.

“Ai ishte i dehur, po bënte një rrëmujë. Babi doli dhe i futi një thikë në gjoks”, tha një dëshmitar, duke treguar se mbrëmja e zakonshme e aperitivit u kthye në një emergjencë dramatike.

Pronari i lokalit u transportua menjëherë në spital dhe iu nënshtrua një operacioni urgjent për të riparuar mushkëritë e dëmtuara nga tehu. Djali i tij u shpreh se babai tani është jashtë rrezikut dhe falënderon mjekët për shpëtimin e jetës së tij.

Ngjarja ka tronditur komunitetin e Occhiobello, ku banorët dhe klientët shprehen të shqetësuar për sigurinë në ambiente publike dhe menaxhimin e situatave agresive.

Sulmuesi është nën hetim, ndërsa autoritetet po vijojnë me marrjen e dëshmive dhe verifikimin e rrethanave të sakta të ngjarjes.

"KORCA BOOM"