Nesër bllokohet kalimi në Kakavijë në këto orare: Mos planifikoni udhëtime, ja pse!"

Njoftim për Bllokim Aksi Rrugor Kakavijë–Janinë më 30 Nëntor 2025

Policia Kufitare Kakavijë informon qytetarët se, sipas njoftimit të Policiës Kufitare Greke, më datën 30 Nëntor 2025, aksesi rrugor Kakavijë–Janinë do të jetë i bllokuar për shkak të një proteste që do të zhvillohet nga fermerët grekë.

Orari i bllokimit:

Nga ora 18:00 deri në ora 22:00 (orari grek)

Gjatë kësaj periudhe, do të lejohen të kalojnë vetëm automjetet me emergjenca shëndetësore.

Rekomandimet e Policisë Kufitare Kakavijë:

Të gjithë qytetarët që planifikojnë të udhëtojnë në këtë orar, kërkohet të planifikojnë udhëtimin në orare të tjera, për të shmangur vonesat dhe për të siguruar kalimin pa probleme.

Policia Kufitare Kakavijë kërkon mirëkuptimin e qytetarëve dhe sugjeron planifikimin e udhëtimeve me automjete, në orare të tjera të ditës.

“KORÇA BOOM”