NESËR java e 28-të/ Skënderbeu, vlen vetëm fitorja ndaj Besës. Sot luhet derbi!

Java e 28-të e kategorisë së parë starton sot me një ndeshje dhe të gjitha takimet e tjera luhen ditën e nesërme, pra të dielën.

Në këtë mënyrë sot në orën 15:00, luhet derbi i myzeqesë, teksa Apolonia do të presë Lushnjën në Fier, e thënë ndryshe do të jetë njëkohësisht “derbi” i fundtabelës.

Më pas radhën do ta ketë dita e nesërme me 5 përballje që janë “zjarr”, pasi po i afrohemi fundit të kampionatit.

E gjithë vëmendja nesër do të jetë te treshja e kreut, ku Skënderbeu kyesues do të udhëtojë drejt Luzit, atje ku e pret Besa, një ndeshje shumë delikate dhe që Skënderbeut i bën punë vetëm fitorja.

Në të njëjtën orë nesër, do të luajë edhe Laçi i vendit të dytë që do të luajë po në transfertë, por ndaj Ilirisë. Ndërkohë që Pogradeci i vendit të tretë, udhëton drejt Burrelit dhe te këto tre ndeshje do të jetë e gjithë vëmendja pasi Skënderbeu tashmë ndjen presionin e kreut me vetëm 1 pikë larg kurbinasve dhe 6 pikë larg pogradecarëve.

Në përballjet e tjera Kastrioti pret Kukësin dhe Korabi do të luajë përballë Luftëtarit. 

Java 28

21 mars 2026 (SOT)

ORA 15:00 Apolonia – Lushnja

22 mars 2026 (NESËR)

ORA 15:00 Kastrioti – Kukësi

ORA 15:00 Burreli – Pogradeci

ORA 15:00 Iliria – KF Laçi

ORA 15:00 Besa – Skënderbeu

ORA 15:00 Korabi – AF Luftëtari 

“KORÇA BOOM”