Nga debat në kërcënim, familjarët e Mateos thyejnë heshtjen ndaj deklaratave të Rogertit

Tensionet në shtëpinë e Big Brother VIP Albania kanë arritur kulmin në prag të finales, duke kaluar nga debatet tipike të formatit në përplasje me tone kërcënuese mes banorëve.

Në qendër të situatës është Rogert Sterkaj, i cili gjatë një debati të ashpër me Mateo ka përdorur gjuhë agresive, duke lënë të kuptohet për një përballje jashtë ambienteve të shtëpisë. Deklaratat e tij, ku përmendet edhe përfshirja e personave të tjerë jashtë lojës, kanë ngjallur reagime të forta si brenda, ashtu edhe jashtë formatit.

Pas kësaj situate, kanë reaguar familjarët e Mateos, të cilët përmes një deklarate publike në rrjetet sociale kanë dënuar ashpër gjuhën dhe qëndrimin e përdorur nga Rogerti.

Në reagimin e tyre, ata theksojnë se përdorimi i kërcënimeve dhe përfshirja e personave të tjerë jashtë formatit tregon pasiguri dhe mungesë vetëkontrolli, duke nënvizuar se situata ka tejkaluar kufijtë e një gare televizive.

Familjarët shtojnë se Mateo nuk ka nevojë për mbështetje të tillë, duke vlerësuar qetësinë dhe qëndrueshmërinë si përgjigjen më të fortë ndaj provokimeve.

Deklarata mbyllet me një ton ironik, duke lënë të kuptohet se çdo përballje e mundshme jashtë shtëpisë është e panevojshme, ndërsa vëmendja duhet të mbetet tek finalja e afërt e spektaklit.

Ngjarja ka ngjallur reagime të shumta në rrjet, ndërsa publiku pritet të ndjekë me interes zhvillimet në ditët e fundit të këtij edicioni.

“KORÇA BOOM”