Nga festa në urgjencë: Rrëzimi i tifozit trondit stadiumin në minutat e fundit, ja si është gjendja e tij

Minutat e fundit të sfidës dramatike mes Skënderbeut dhe Lushnjës sollën jo vetëm emocion tek tifozët, por edhe një moment të pakëndshëm. Në çastet kur korçarët shënuan golin vendimtar, një tifoz i Skënderbeut ka pësuar dëmtim pas një rrëzimi aksidental.

Gjatë festës së golit, tifozit i është zënë këmba dhe është penguar, duke rënë mbi shkallët plastike të tribunës. Si pasojë e rënies, ai ka pësuar dëmtim në një brinjë.

Nga informacionet e siguruara nga spitali i qytetit, gjendja e tij shëndetësore është stabilizuar dhe fatmirësisht nuk paraqet komplikacione të rënda. Stafi mjekësor konfirmon se tifozit i janë dhënë trajtimet e nevojshme dhe pritet të rikuperohet pa probleme.

Atmosfera festive në stadium u ndërpre për pak çaste, por ndeshja vijoi normalisht. Fatmirësisht, incidenti u mbyll pa pasoja serioze.

"KORCA BOOM"