Nga shembja e objekteve 1 dhe 2-katëshe deri tek goditja e çdo ndërtimi të paligjshëm, aksioni i IKMT-së

Inspektorati Kombëtar i Mbrojtjes së Territorit (IKMT) ka vijuar edhe sot aksionin e tij në Parkun Kombëtar të Valbonës për prishjen e ndërtimeve të ngritura pa leje. Operacioni i përqendruar ka përfshirë shembjen e platformave betoni dhe strukturave druri, të cilat kishin shkelur ligjin dhe ishin ngritur në kundërshtim me rregulloret e mbrojtjes së parkut.

Deri tani janë prishur 20 objekte, kryesisht 1 dhe 2-katëshe, të cilat dëmtonin pamjen natyrore dhe ekosistemin e zonës. IKMT ka bërë të ditur se aksioni do të vijojë pa ndërprerje, duke evidentuar çdo ndërtim të paligjshëm dhe duke marrë masa ndaj përgjegjësve.

Ky veprim vjen si pjesë e një strategjie më të gjerë për mbrojtjen e zonave të mbrojtura dhe respektimin e ligjit mbi ndërtimet në territoret e mbrojtura, duke garantuar ruajtjen e bukurive natyrore të Valbonës dhe shëndetin e ekosistemit.

“KORÇA BOOM”